الام والوطن

[color:fe5e=black][size=12]
عفية امي شكثر شافت مرارة وضيم



يا يمة تحملت لوعة بلياليهة

ولا عمري شفتهة ارتاحت فد يوم



تعبانة الدمع والهم يسليهة

كبرنة وعوض الله وصرنة عدهة رجال



همنة شلون بيش الام نجازيهة

نذب الثوب لاسود منهة نص الليل



ونفز الصبح نلكاه مغطيهة

سمعنة الصوت يندب وينكم الاولاد



دعوة من الوطن لازم نلبيهة

ومشينة و ودعتنة امنة بظلام الليل



و وصتنة جفوف الطغوا نلويهة

ولويناهم لوي لاخر دمع بالعين



هنيالة الي وكع وبذمتة باريهة

واخوي اول الناس استشهدوا على الكاع



بالدم كتب كلمة ايذوب قاريهة

ييمة بسعفة كظت نارهم بالليل



وبدمي ركضت على النار اطفيهة

نعاوي امي تبجي الكاع والصوبين



وهذا انه اعترف ابجي بنعاويهة

نعاوي امي خناجر بالظلوع احاة



يومية الصبح اسمع بواجيهة

عليمن يمة كافي الصار صار وراح



دمسحي دمعتج يا يمة مسحيهة

خطية مكابلة الصورة على اخوي تنوح



وجن الصورة تحجي وجن تحاجيهة

اغافلهة واشيلن صورتة من البيت



واوصيهم بعد لحد يحاجيهة

وابوك الروح بوكة واشتغل بالطين



بالحي مدرسة لازم نعليهة

وارد من الشغل واسمع بواجي ونوح



واتهدل واطب ومددة الكيهة

واعلك صورتة بجفي على وجه الدار



ويرد البيت يضوي من اخليهة

وترد امي لبجيهة اردود



ويردن نعاويهة وانه اسمع نعاويهة

تكلي شلون شاعر طاوعتك ديك



حسبالي العراق انباك ليش الصورة تخفيهة

وتعدت سنة وسنتين



وجنت ادري البجي للعين يعميهة

وعمة امي وضل ابني الزغير حسين
من تمشي يدليهة

علمتة الوطن ياهو وعلمتة الشعب ياهو



وظل مثل الطفل يمة يسميهة

تسولفلة قصص وتعلمة على الديوان



وتصعدة الفرس وتكلة امش بيهة

تكلة الكاع كاعك والنخل ينخاك



وابن امة وبطل كلمن يحاميهة

وطلب منهة تسولف على الي مظى وجان



عن عمة الي خذتة امواج جاريهة

عن ذاك العراقي الي ماقبل تنباك



كيعان العراق وكل سواجيهة

وترد امي ابواجي اتفزز الميتين



و يرد المكابر كل نعاويهة

يمة القنبلة ما بترت رجليه



هو انفجر يمهة وبتر رجليهة !!!!!![/size][/color]